नेपालमा भारतीय कारभित्र तीन शिशुको शव

तुलसीपुर । दाङको तुलसीपुरमा तीन शिशु मृत फेला परेका छन् । तुलसीपुर उपमहानगरपालिका वडा नं ६ स्याउली बजारमा रोकिराखिएको भारतीय जे ०१६६०८८५ नम्बरको कारमा तीन शिशु मृत फेला परेका हुन् । उनीहरुलाई शनिबार राति फेला पारिएको इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहले जानकारी दिए । शिशु मृत फेला परेको कार लामो समयदेखि त्यस स्थानमा पार्किङमा राखिएको प्रहरीले बताएको छ ।

इलाका प्रहरी कार्यालय तुलसीपुरका डिएसपी शिवबहादुर सिंहले तीन महिना महिनादेखि पार्किङ गरेर राखेको गाडी भित्र शव फेला परेको जानकारी दिए। उक्त कार गत माघदेखि पार्किङ गरी राखेको थियो । प्रनाउ सिंहका अनुसार सोही स्थानमा अर्को गाडी पार्किङ गर्न राख्ने क्रममा शव गन्हाएको थाहा पाएपछि हेर्दा मृत शिशु रहेको पाइएको हो । मृत शिशुको पहिचान खुल्न सकेको छैन ।

‘मृतक को हुन् र कसरी उनीहरू पार्किङ गरेको कारमा पुगेर अनुसन्धान भइरहेको सिंहले बताए । सिंहले आफु घटनास्थलमै रहको तर शव निकालि नसकेको बताए । उक्त कार कसको हो र कसले यहाँ पार्किङ गरेको हो भन्ने पनि खुल्न बाँकी रहेको सिंहले बताए।

कार नजिकै बस पार्किङ गर्न गएका बसका चालकले गन्ध थाहा पाएपछि प्रहरीलाई खबर गरेका थिए ।