लन्डन बियर प्रतियोगितामा नेपाली ब्राण्ड अर्नालाई दुई पदक

काठमाडाैं । बेलायतको राजधानी लन्डनमा भएको ‘लन्डन बियर प्रतियोगिता–२०२१’ मा नेपालको अर्ना बियरलाई दुई वटा पदक प्राप्त भएको छ ।प्रतियोगितामा ‘अर्ना ८’ ले रजत र ‘अर्ना लाइट’ले कास्य पदक जितेको हो । यती ब्रुअरी प्रालिले तीनवटा फरक–फरक विधामा उच्च अंक प्राप्त गरी विशिष्ट श्रेणीको अवार्ड जितेको कम्पनीले जनाएको छ।

कम्पनीका अनुसार अर्ना बियरले गुणस्तर, उपयोगिता र प्याकेजिङमा उच्च अंक प्राप्त गरेर यो सम्मान पाएको हो। अर्ना ‘८’ ले ८५ र अर्ना लाइटले ७२ अंक प्राप्त गरेको थियो ।