एलिजाले भब्य जन्मदिन मनाए, कलाकार उद्धव भट्टराईलाई २५ हजार सहयोग

काठमाडौं । नायिका तथा मोडल एलिजा गौतमले बुधबार राजधानीको एभरेस्ट होटलमा भब्यसँग जन्मदिन मनाइन् । एलिजाले आफ्नो जन्मदिनको कार्यक्रम पाँच तारे होटल एभरेष्टमा आयोजना गरेकी थिइन् । एलिजाले आफ्नो जन्मदिनको अवसर पारेर कलाकार उद्धव भट्टराईलाई २५ हजार नगद सहयोग गरेकी छिन् । कार्यक्रममा केक काट्दै एलिजाले भट्टराईलाई २५ हजार सहयोग गरेकी हुन् । एलिजाले बरिष्ठ फिल्म प्राविधिक उद्धव भट्टराई (जुँगे)लाई २५ हजार रुपैयाँ आर्थिक सहयोग पनि प्रदान गरिन् । उनले भनिन्–‘एक जना चर्चित कलाकारलाई सहयोग गर्न पाउँदा म खुशी छु । तर, म सबै कलाकर्मीहरुलाई उद्धव दाइलाई सहयोगका लागि आग्रह गर्दछु ।’

यस्तै, केही महिना अगाडि एलिजाले आफ्नो जन्मदिनबाट नेपालभर घर बनाउने अभियान सुरु गर्ने बताएकी थिइन् । तर, एलिजाले यो अभियान अहिलेलाई रोकेको अनलाइनखबरसँग बताइन् । उनले भनिन्–‘अहिले समाजसेवाको बारेमा नकारात्मक चर्चा छ । म एक्लैले यो अभियानलाई अगाडि बढाउन सक्दिनँ । यसका लागि आम नेपालीको सहयोग आवश्यक छ । यस्तो अवस्थामा एकातिर समाजसेवाको बिषयमा नकारात्मक चर्चा हुनु र अर्कोतिर कोरोनाका कारण सबैलाई समस्या परेको छ । यसैले, यो अभियान तत्काल सुरु नगर्ने निर्णय गरेको हुँ ।’

उनको बर्थडे समारोहमा नेपाली फिल्म कलाकार पनि सहभागि थिए । अभिनेत्री आँचल शर्मा पति उदिपसँगै पुगेकी थिइन् । गायक प्रकाश सपुत, दुर्गेश थापा, अभिनेता निर्मल शर्मा संचारकर्मी नरेश भट्टराई पनि थिए । व्यवसायी दुर्गा प्रसाइँ समेत केक काट्ने समारोहमा उपस्थित थिए । कार्यक्रममा एलिजाका पति बारीष्ठ पत्रकार ऋषि धमला पनि उपस्थित हुनुहुन्थ्यो ।