‘कमेडी च्याम्पियन’को दोस्रो सिजन प्रसारण सुरु हुँदै

काठमाडौं । लोकप्रिय नेपाली टेलिभिजन रियालिटी सो ‘कमेडी च्याम्पियन’को दोस्रो सिजन आजदेखि प्रसारण हुने भएको छ । आजदेखि कमेडी च्याम्पियनको दोस्रो सिजन कान्तिपुर टेलिभिजनबाट प्रसारण हुने भएको हो । प्रत्येक साता शुक्रबार र शनिबार बेलुका ९ बजेदेखि कान्तिपुर टेलिभिजनमा सो प्रसारण हुने जनाइएको छ ।

विशाल भण्डारीले निर्देशन गर्ने सोलाई केकी अधिकारी लगायतले मिलेर निर्माण गरेका हुन् । चार भागमा अडिसन चरण प्रसारण गर्ने जनाइएको छ । यसअघि अडिसन राउन्ड प्रसारण भएको थिएन । भदौ १५ गतेबाट सुरु भएको डिजिटल अडिसनमा ६ हजार भन्दा बढी सहभागी भएको थिए । जसमा २४ जनालाई फिजिकल अडिसनबाट छनोट गरिसकिएको छ । अडिसन चरण प्रसारण सकिएपछि सो सीधै उत्कृष्ट २४ मा प्रवेश गर्नेछ । निर्माताले यसलाई ग्रान्ड प्रिमियर भनेका छन् । अधिकारीसहितको थ्री प्रोडक्सनले यसलाई निर्माण गरेको हो ।

पहिलो सिजनमा हिमेश पन्त कमेडी च्याम्पियन बनेका थिए । अब दोस्रो सिजन पनि टेलिभिजनमा प्रसारण हुने तयारीमा छ । सन्तोष पन्त, मनोज गजुरेल, ऋचा शर्मा र प्रदीप भट्टराई निर्णायक छन् । गतवर्षदेखि यस सो प्रसारण सुरुआत गरेको थियो । विशाल भण्डारीले निर्देशन गरेको कमेडी च्याम्पियनको पहिलो सिजन पनि दर्शकले रुचाएका थिए ।

कमेडी च्याम्पियनको विजेता हुनेले २५ लाख नगद र कार पुरस्कार पाउनेछ ।