उपचार सकेर नेपाल फर्किए कांग्रेस
काठमाण्डौ । नेपाली कांग्रेसका सांसद चन्द्र भण्डारी स्वदेश फिर्ता भएका छन्। लगभग साढे २ महिनाको उपचार सकेर उनी आइतबार साँझ नेपाल फर्किएका हुन् । ग्यास विस्फोटबाट घाइते भएका भण्डारीको भारतको मुम्बईस्थित बर्न्स अस्पतालमा उपचाररत गरिएको थियो ।
विमानस्थलमा भण्डारीले आफ्नो स्वागतका लागि उपस्थित भएकाहरूलाई धन्यवाद दिए ।
गत फागुन ४ गते भण्डारीको घरमा ग्यास विस्फोट भएको थियो। विस्फोटमा परी घाइते भएकी आमा हरिकला भण्डारीको सोही दिन कीर्तिपुर अस्पतालमा निधन भएको थियो । सांसद भण्डारीलाई भने एयर एम्बुलेन्समार्फत चिकित्सकहरूको सल्लाहमा उपचारका लागि भारत लगिएको थियो ।
