तमु धि यूकेको निबर्तमान अध्यक्ष नन्दजङ गुरुङलाई मातृशोक

लण्डन । तमु धि यूकेको निबर्तमान अध्यक्ष तथा सिक्लेस पार्चे समाज यूकेको संरक्षक नन्दजङ गुरुङलाई मातृशोक परेको छ । कास्की जिल्ला मादी गाउँपालिका वडा न १ सिक्लेस गहिरी थर पुरानो घर भाई हाल पोखरा लाली गुँरास टोल निवासी गुरुङको आमा मन काउरी गुरुङको गत राती पोखरा फेवासिटी आस्पतलमा उपचारको क्रममा ८४ बर्षको उमेरमा निधन भएको खबर परिवारिक स्रोतले जानकारी गराउनुभएको छ ।

आफ्नो जेठो छोरा नन्दजङ गुरुङ तथा साइँला छोरा टंक मार्टीन गुरुङसँग केही बर्ष बेलायत बस्नुभएपछी स्वर्गिय आमा मन काउरी गुरुङ नेपाल फर्किनुभएको थियो । नेपाल फर्केको केही एक बर्षपछि उहाँको स्वास्थ्य स्थिती कमजोर गहेको र केही महिनादेखी आस्पतलमा उपचार हुनुहुन्थ्यो र गत राती पोखरा स्थित फेवासिटी आस्पतलमा उपचार क्रममा निधन भएको हो ।

आफ्नो मुवा बिरामी भएपछी जेठा छोरा नन्दजङ गुरुङ र साइँला छोरा टंक मार्टीन गुरुङ हाल नेपालमै हुनुहुन्छ । स्वर्गिय मन काउरी गुरुङको आज आइतबार पोखरा रामघाट स्थित घाटमा गुरुङ परम्परा अनुसार अन्त्यष्टी गरीने परिवारीक स्रोतले जानकारी गराएको छ । स्वर्गीय मन काउरी गुरुङको ४ छाेरा र ४ छाेरी छन् । जेठा छोरा नन्दजङ गुरुङ तमु धि यूकेको निबर्तमान अध्यक्ष तथा सिक्लेस पार्चे समाज यूकेको संरक्षक हुन । त्यस्तै माइला छोरा मन बहादुर गुरुङ गण्डकी प्रदेशसभाको एमाले सांसद तथा कास्की जिल्लाको एमाले अध्यक्ष हुन । त्यस्तै साइँला छोरा टंक मार्टीन गुरुङ सिक्लेस पार्चे समाज यूकेको महासचिब हुन । कान्छा छोरा गणेश भने हङकङबासी हुन ।