एमसीसीविरुद्ध उपत्यकामा प्रदर्शन, बानेश्वर तनावग्रस्त, प्रहरीले हान्यो पानीको फोहरा

काठमाडौं । एमसीसीको विरोधमा आयोजना गरिएको प्रदर्शनका क्रममा प्रहरी र प्रदर्शनकारीबीच मुठभेड सुरु भएको छ । उत्तेजित आन्दोलनकारीलाई नियन्त्रण गर्न प्रहरीले पानीका फोहरा प्रहार गरिरहेको छ ।

नेकपा माओवादीका भातृ संगठनहरुले वानेश्वरको सडकमा आयोजना गरेको प्रदर्शनका क्रममा तनाव भएको हो । आन्दोलनकारीले अराजक नारावाजीसहित ढुंगासमेत प्रहार गरेपछि प्रहरीले हस्तक्षेप गरेको थियो । झडपका क्रममा एकजना पत्रकार र केही प्रदर्शनकारी समेत घाइते भएका छन् । अहिले माओवादी कार्यकर्ताले एमसीसीविरुद्धमा नारावाजी जारी राखेका छन् ।

तस्बिर- कान्तिपुर