हङकङमा लगातार कोरोना संक्रमण बढ्दै
हङकङमा सोमबार कोभिड–१९ का १०९ नयाँ संक्रमित थपिएका छन् । हङकङको हाउजिङमा कोरोना संक्रमण फैलिएसँगै ठूलो संख्यामा कोरोनाका नयाँ संक्रमित थपिएका हुन् ।
हङकङमा लगातार दोस्रो दिन एक सयभन्दा धेरै नयाँ संक्रमित थपिएका हुन् । सोमबार भेटिएका १०९ मध्ये ११ जना बाहिरबाट आएका मानिसहरु छन् भने ९८ जनामा स्थानीय मानिसहरुबाटै संक्रमण फैलिएको हो ।
हङकङको स्थानीय संक्रमितमध्ये पनि धेरैजसो क्वाई चुङ स्टेट हाउजिङका मानिसहरु छन् । यो हाउजिङको १६ मध्ये १२ ब्लकमध्ये १२ वटामा गरी करिब २१० कोरोना संक्रमित भेटिइसकेका छन् ।
सोमबार मात्र यो हाउजिङमा ६९ नयाँ संक्रमित थपिएका थिए । जसमध्ये याट क्वाई ब्लकमा २७ र यिङ क्वाई ३३ नयाँ संक्रमित थपिएका छन्। त्यस्तै अन्य ९ संक्रमित अन्य ब्लकहरुमा थपिएका हुन् ।
मानिसहरुले पर्याप्त सुरक्षा सतर्कता नअपनाएको र अस्वस्थकर व्यवहारको संक्रमण फैलिएको अधिकारीहरुले बताएका छन् ।
