तमु धी यूकेद्वारा एनआरएनए यूकेको अधक्ष्यका उम्मेदवार द्वय- दीपक र रोजिनालाई शुभकामना

लण्डन । बेलायतमा गुरुङहरुको (तमुहरुको) सबै भन्दा ठुलो संस्था तमु धी यूकेले एनआरएनए यूकेको असन्न निर्वाचनमा अधक्ष्यका उम्मेदवारहरु द्वय- दीपक श्रेष्ठ र रोजिना प्रधान राईलाई शुभकामना दिएको छ । गत मे २९ तारीखमा अल्डरसट स्थित एम्पायर हलमा अधक्ष्यका उम्मेदवार मध्ये एक दीपक श्रेष्ठले आयोजना गरेको भेटघाट कार्यक्रममा तमु धी यूकेको संस्थापक अधक्ष्य, भुपु अधक्ष्यहरु, निबर्तमान अधक्ष्य, बर्तमान अधक्ष्य, कार्यसमितिका सदस्यहरु अन्य अग्रज गुरुङहरु (तमुहरु) सहभागी भइ श्रेष्ठलाई शुभकामना दिनुभएको थियो ।

त्यस्तै हिजो जुन ६ तारीख आइतबार अधक्ष्यको अर्को उम्मेदवार रोजिना प्रधान राईद्वारा अल्डरसट एम्पायरहलको दोस्रो तल्लामा आयोजित भेटभाट तथा शुभकामना कार्यक्रममा तमु धी यूकेको भुपु अधक्ष्यहरु, निबर्तमान अधक्ष्य, बर्तमान अधक्ष्य, कार्यसमितिका सदस्यहरु अन्य अग्रज गुरुङहरु (तमुहरु) सहभागी भइ श्रीमती राईलाई शुभकामना दिनुभएको थियो ।

दुबै कार्यक्रममा सहभागी तमु अग्रजहरु तथा अभियान्तहरुले एनआरएनए यूके बेलायतबासी नेपालीहरु र नेपाली संघसंस्थाहरुको एक मात्रा साझा संस्था भएकोले तमु धी यूकेले एनआरएनए यूकेलाई सधैं सम्मान गर्दछ र एनआरएनए यूकेलाई सक्षम ब्यक्तित्वले नेतृत्व गरोस भन्ने चाहन्छ । नेपाल सरकारले बैधानिकता दिएको एउटै मात्रा गैर आवासीय नेपालीहरुको संस्था के उध्देस्यको लागि स्थापना गरेको हो त्यस उध्देश्यमा अटल र अबिच्छीन्न रहोस् भन्ने तमु धी यूके सदैब अभिलाषा राख्दछ । यसको लागि तमु धी यूकेले सकेको सहयोग र सहकार्य गर्दै आइरहेको छ र गर्नेछ । त्यसैले एनआरएनए यूकेलाई नेतृत्व गर्छु भन्ने जुनै पनि उम्मेदवारलाई तमु धी यूके उत्तिक्कै (बराबर) शुभेक्ष्छ्या अनि सहिष्नुता प्रकट गर्दछ र शुभकामना पनि ।