बेलायतबाट तारा लिम्बूको नयाँ गीत “आधा लैजाउ तिमी माया” भिडियो सार्वजनिक (भिडियोसहित)

गीतकार तारा लिम्बूको नयाँ गीत आधा लैजाऊ तिमी माया म्युजिक भिडियोसहित सार्वजनिक भएको छ । साहित्यको क्षेत्रमा लामो समयदेखि कलम चलाउँदै आएकी गीतकार लिम्बूको नयाँ गीतमा लोकप्रिय गायक राजेशपायल राईको स्वर रहेको छ ।

सार्वजनिक गीतमा कम्पोज तथा एरेन्ज सविन लिम्बूको रहेको छ । गीतको म्युजिक भिडियोमा अमित सुब्बा र क्रिन्चा राईले अभिनय गरेका छन् । भिडियोको छायांकन बेलायतका रमणीय स्थानहरुमा गरिएको छ । यसको निर्देशन कुशल श्रेष्ठले गरेका छन् । म्युजिक भिडियोमा निर्देशक श्रेष्ठकै छायांकन र सम्पादन रहेको छ । भिडियोमा प्रेम र रोमान्सका रोमान्टिक दृश्यहरुलाई फिल्मी शैलीमा प्रस्तुत गरिएको छ । जसमा आफ्नी मायालुलाई फकाउन प्रेमीले भावी जीवनका सपनाहरु देखाएका छन् । म्युजिक भिडियोमा कोरियोग्राफी दीपिका श्रेष्ठको रहेको छ ।