अमेरिकामा बन्दुकधारीको आक्रमणमा ८ जनाको मृत्यु

अमेरिकाको क्यालिफोर्नियामा एक बन्दुकधारीले रेल यार्डमा अन्धाधुन्ध गोली चलाउँदा आठ जनाको मृत्यु भएको छ । बीबीसीका अनुसार यो घटना सेन्टा क्लारा भ्यालि ट्रान्सपोर्टेसन अथोरिटीको रेल यार्डमा भएको हो ।

मृत्यु हुनेमा त्यहाँका कर्मचारी पनि रहेको अधिकारीहरूले जनाएका छन् । गोली चलाउने व्यक्ति पनि त्यहीँका कर्मचारी भएको खुलेको छ । ती व्यक्ति पनि मारिएका छन् ।

घटना स्थानीय समयअनुसार बिहान पौने ७ बजेको हो । आक्रमणकारीले अन्धाधुन्ध गोली चलाउनुअघि आफ्नो घरमा आगो लगाएका थिए । गन भायलेन्स आर्काइभका अनुसार यो वर्ष अमेरिकाभर मास सुटिङका २ सय ३० घटना भइसकेका छन् ।