अधक्ष्यको प्रत्यासी रोजिनाद्वारा पिटरबरो नेपाली समाजसँग छलफल सम्पन्न

लण्डन । गैरआवासीय नेपाली संघ यूकेकी उपाध्यक्ष तथा २१ – २३ को लागि अधक्ष्यको प्रत्यासी रोजिना प्रधान राईले सदस्यता वितरणलाई तिब्रता दिएकी छिन् । अल्डरसटपछी उनले नेपालीहरुको बाक्लो बस्ती भएको अर्को स्थान बेलायतको पिटरबरोमा स्थानीय नेपाली समुदयका अगुवाहरुसँग छलफल गरेर गैरआवसीय नेपाली संघ यूकेको सदस्यता वितरणलाई तीव्रता दिने विहीबार संपर्क कार्यालय स्थापना गरेकी छिन् ।

पिटरबरो स्थित नेपाली समुदय उत्साहका साथ कार्यक्रममा सहभागी हुँदै संघको सदस्यता वितरण र अभियानका बारे चासोका साथ राईसंग अन्तरक्रिया गरेका थिए । कार्यक्रमलाई सम्बोधन गर्दै राईले पिटिरबरो नेपाली समाजले गैरआवासीय नेपाली संघको अभियानमा विगतमा खेलेको भूमिका महत्वपूर्ण रहेको बताउदै आगामी दिनमा पनि सोही साथ समर्थन र थप भूमिकाको अपेक्षा रहेको बताइन् ।

उनले आगामी जुन १० तारिखभित्र गैरआवासीय नेपाली संघ यूकेको सदस्य बनी आगामी जुलाई ३१ तारिखमा हुने निर्वाचनमा आफ्नो प्रतिनिधीसहित सशक्त उम्मेदवारलाई विजयी गराउने अभियानमा सामेल हुन आब्हान गरिन् । कार्यक्रममा पिटरबरो नेपाली समाजका पूर्वअध्यक्षहरु महेश अधिकारी, पवन शर्मा, भरत पाण्डे, संस्थाका महासचिव कृष्ण लुईटेल, बरिष्ठ साहित्यकार तथा पत्रकार निर्पेश उप्रेती, रबि आचार्य, प्रेम देवकोटा, घनश्याम पौडेल, सुर्दशन पराजुली लगायतको उपस्थिती थियो ।