पूर्वबैंकर अनिलकेशरी शाह रास्वपा प्रवेश, प्रशिक्षण बिभाग प्रमुख

काठमाडौँ — पूर्वबैंकर अनिलकेशरी शाह राष्ट्रिय स्वतन्त्र पार्टी(रास्वपा) मा प्रवेश गरेका छन् । बिहीबार बालाजुस्थित पार्टीको नयाँ केन्द्रीय कार्यालयमा आयोजित एक कार्यक्रमबीच उनी रास्वपा प्रवेश गरेका हुन् । उनलाई पार्टीको प्रशिक्षण विभाग प्रमुखको जिम्मेवारी दिइएको छ ।

शाह लामो समयसम्म नबिल बैंकको प्रमुख कार्यकारी अधिकृत रहेर काम गरेका व्यक्ति हुन् । साथै उनी बीचमा केही समय मेगा बैंकमा समेत आबद्ध भए । उनी मेगा बैंकमा संस्थापक प्रमुख कार्यकारी अधिकृतसमेत हुन् । त्यस्तै स्टान्डर्ड चार्टर्ड बैंकमा समेत काम गरेका उनले इसिमोडमा समेत वित्तीय विश्लेषकका रूपमा काम गरेका थिए ।

रास्वपाले बिहीबार पार्टी स्थापनाको पहिलो वर्षगाँठसमेत मनाउँदैछ । पार्टी स्थापना भएको वर्ष दिनको अवसरमा पार्टीले बिहीबार चियापान समारोहको आयोजना गरेको छ । पार्टीको चियापान समारोह दिउँसो १ बजेदेखि सुरु हुनेछ ।

अनिलकेशरी शाह बने रास्वपाका प्रशिक्षण विभाग प्रमुख

यससंगै अनिलकेशरी शाह राष्ट्रिय स्वतन्त्र पार्टीका प्रशिक्षण विभाग प्रमुख बनेका छन् । बैंकरको परिचय बनाएका शाह केही दिनअघि रास्वपा प्रवेश गरेको बताइएको छ । उनलाई आज बसेको केन्द्रीय समिति र संसदीय दलको संयुक्त बैठकले प्रशिक्षण विभागको प्रमुखको जिम्मेवारी दिएको केन्द्रीय सदस्य गणेश कार्कीले बताए । पार्टी सभापति लामिछानेले शाहलाई दलको लोगो लगाएर जिम्मेवारी प्रदान गरेका थिए ।

शाह नबिल बैंक, मेगा बैंकको प्रमुख कार्यकारी अधिकृत भइसकेका छन् ।

रास्वपाले बिहीबार दिउँसो १ बजेदेखि चियापान कार्यक्रम आयोजना गरेको छ । चियापानमा प्रधानमन्त्री, मन्त्री, संसदमा प्रतिनिधित्व गर्ने सबै राजनीतिक दलमा शीर्ष र पदाधिकारी, सांसदहरूलाई आमन्त्रण गरिएको पार्टीका केन्द्रीय सदस्य दीपक बोहराले जानकारी दिए ।

त्यस्तै, उच्च पदस्थ सरकारी अधिकारी, सुरक्षा अंगका प्रमुखहरू नेपाल स्थित कूटनीतिक नियोग प्रमुख, उद्योगी, व्यवसायीहरूलाई पनि चियापानका लागि निम्तो पठाइएको उनले बताए ।