क्वोने (घोताने/घोन्डे) गुरुङ समाज यूकेले भब्य मनाए वार्षिक भेटघाट कार्यक्रम

फोटो सौजन्य- मिलन गुरुङ, गोरखा मिडिया

अल्डरसट । क्वोने (घोतानेघोन्डे) गुरुङ समाज यूकेले अल्डरसट स्थित एम्पायर हलमा समाजको वार्षिक भेटघाट कार्यक्रम भब्य मनाएका छन । समाजको जेष्ठ सदस्य बाबा धन बहादुर गुरुङ तथा मुमा देबी कुमारी गुरुङको प्रमुख अतिथ्यमा समाजले माधे संक्रान्तीको शुभ अबसर पारेर गाउँघरमा चेलीबेटीलाई भात खुवाउने प्रचलनलाई निरन्तरता दिंदै यस बर्ष पनि सामुहिक रुपमा दाज्युभाइहरु तथा दिदीबहिनीहरु मिलेर समाजको वार्षिक कार्यक्रम भब्य मनाए ।

क्वोंने (घोताने/घोण्डे) गुरुङ (तमु) समाज यूकेका अध्यक्ष क्या पिताम्बर गुरुङको अध्यक्षमा नेपालबाट आमन्त्रित चर्चित कलाकारहरुको सांगीतिक प्रस्तुतिसहित अल्डरसटस्थित एम्पायर हलमा ११ फेब्रुअरी २०२३ शनिबार वार्षिक भेटघाट भएको हो । कार्यक्रम प्रमुख अतिथि जेष्ठ नागरिक धनबहादुर गुरुङ, समाजका अध्यक्ष क्या पिताम्बर गुरुङ र चेलीबेटी प्रमुख चन्द्रदेवी गुरुङले पानसमा दीप प्रज्ज्वलन गरी उद्घाटन गरेका थिए । कार्यक्रममा प्रारम्भ अघि प्रमुख अतिथिलगायतलाई पाइपर धुनसहित हल प्रवेश गराइएको थियो । आगन्तुक चेलीबेटीलाई प्रवेशद्वारमा मासको टीका र दक्षिणासहित क्वोंने (घोताने/घोण्डे) गुरुङ (तमु) समाज यूकेका वरिष्ठ प्रमुख सल्लाहकार हरिगोविन्द गुरुङ र उनकी श्रीमती गौमाया गुरुङले स्वागत गरेका थिए । उद्घाटनपछि नेपाली राष्ट्रिय गान बजाइएको थियो ।

कार्यक्रमस्थलको स्वास्थ्य र सुरक्षासम्बन्धी जानकारी सञ्चालक तथा महासचिव इन्द्र घोतानेले गराएका थिए । उपाध्यक्ष कुमार गुरुङले स्वागत मन्तव्य र कार्यक्रमको उद्देश्य र महत्वबारे प्रस्ट पारेका थिए । कार्यक्रमका प्रमुख अतिथि जेष्ठ नागरिक धनबहादुर गुरुङले आफूलाई सम्झेर कार्यक्रममा बोलाइएकोमा आयोजक संस्थालाई धन्यवाद दिएका थिए । उनले क्वोंने (घोताने/घोण्डे) गुरुङ (तमु) समाज यूके आगामी दिनमा झनै फस्टाओस् भन्ने शुभकामना व्यक्त गरे ।

क्वोंने (घोताने/घोण्डे) गुरुङ (तमु) समाज यूके चेलीबेटी प्रमुख चन्द्रदेवी गुरुङले मन्तव्य राख्दै संस्थाले हालसम्म गरेका काम, उपलब्धि र भावी योजनाबारे जानकारी गराएकी थिइन् । गत वर्षदेखि चेलीबेटीहरुको तर्फबाट माइतीको सम्झनामा शुभदिपावली मनाउन सुरु गरिएको जनाउँदै चेलीबेटीको अहिलेसम्म ७३ जना आजीवन सदस्यता बनिसकेको पनि उनले बताइन् । यस्तै क्वोंने (घोताने/घोण्डे) गुरुङ (तमु) समाज नेपालमा भवन निर्माणका लागि जग्गा खरितार्थ आफ्नो संयोजकत्वमा नेपाली २२ लाख ८७ हजार ११२ आर्थिक सहयोग संकलन गरिएको चेलीबेटी प्रमुख चन्द्रदेवी गुरुङले सो अवसरमा जानकारी गराईन ।

कार्यक्रमको लागि क्वोंने (घोताने/घोण्डे) गुरुङ (तमु) समाज नेपालका अध्यक्ष विश्व (भूमि) गुरुङको शुभकामना सन्देश भिडियो प्रसारण गरिएको थियो भने क्वोंने (घोताने/घोण्डे) गुरुङ (तमु) समाज यूके चेलीबेटी महासचिव लिना गुरुङले शुभकामना मन्तव्य दिइन् ।

कार्यक्रममा यस वर्ष यूकेस्थित विभिन्न संघसंस्था अनि राजनीतिक पार्टीका भ्रातृ संगठनहरुका विभिन्न पदमा नियुक्त तथा निर्वाचित दाज्यूभाइ तथा भाइखलकहरुलाई बधाई तथा शुभकामना दिइएको थियो । कार्यक्रममा क्वोने (घोतानेघोन्डे) गुरुङ समाज यूकेका सल्लाहकार नभीन गुरुङलाई खेलकुद, पर्यटन, शिक्षा र स्वास्थ्य क्षेत्रमा सराहनिय परोपकारी सेवा गर्नुभएबापत प्रशंसा सहित बिशेष सम्मान गरिएको थियो । त्यस्तै कार्यक्रममा संस्थाको अर्को सल्लाहकार दिलिप गुरुङलाई एमबीई र समाज सेवा रत्नबाट बिभुषित हुनुभएको बधाई तथा शुभकामना दीएको थियो । त्यस्तै अर्को सल्लाहकार कानुसिलर लक्ष्य गुरुङ पनि दोश्रो पटक काउन्सिलरमा निर्बाचित हुनुभएकोमा सम्मान गरेको थियो । त्यस्तै गरी समाजको सल्लाहकार मोहन गुरुङ, क्वोंने (घोताने/घोण्डे) गुरुङ (तमु) समाज यूके उपाध्यक्ष कुमार गुरुङ, चेलीबेटी समूहकी उपाध्यक्ष पञ्च गुरुङ, तमुधिं यूकेका अध्यक्ष हरि गुरुङ, काउन्सिलर कमल गुरुङ, म्हनेपा आमा संघ आमा अध्यक्ष यामकुमारी [दिलु] क्वोंन्स्यो लगायतलाई सम्मान गरिएको थियो । सम्मानित ब्यक्तित्वहरुलाई प्रमाणपत्रसहित र अन्य पुरुषलाई फेटा, खादा र महिलालाई सल, खादासहित प्रमुख अतिथि गुरुङ, अध्यक्ष गुरुङ र चेलीबेटी प्रमुखले सम्मान गरेका थिए ।

उत्कृष्ट तमु पोसाक लगाउनेमध्येबाट श्रीमती निर्मला गुरुङ र श्री खड्का गुरुङ दम्पती पुरस्कृत भएका थिए । नगद राशि र प्रशंसा पत्र पाएका थिए । पोसाकको निर्णायकमा भने तमु समाज यूकेका संस्थापक अध्यक्ष तथा क्वोंने (घोताने/घोण्डे) गुरुङ (तमु) समाज यूकेका सल्लाहकार चित्रबहादुर गुरुङ थिए ।

औपचारिक कार्यक्रम अध्यक्ष क्या गुरुङले विधिवत् रुपमा मन्तव्यसहित समापन गरेका थिए । लगत्तै सांस्कृतिक तथा चिठ्ठा कार्यक्रम चलेको थियो । सांस्कृतिक कार्यक्रम बिमल गुरुङ र ममता गुरुङले सन्चालन गरेका थिए । चेली तथा ज्वाइँ रन्जु गुरुङ र विष्णु गुरुङको नृत्य, भान्जा विशन र भान्जी पुजनको नृत्य, चेलीहरु माइला-कान्छा (पार्वती गुरुङ र माया गुरुङ) तथा कविता गुरुङको नृत्यले कार्यक्रममा रौनकता थपेको थियो भने नेपालबाट आमन्त्रित चर्चित लोकदोहोरी गायिका रुपा घर्तीमगर र यूकेका चर्चित गायिका ममता गुरुङको प्रस्तुतिमा सहभागीहरु बेस्सरी रमाएका थिए । ककटेल नाचसमेत समेटिएको कार्यक्रममा भाग्यशाली चिठ्ठा चरणसहित मध्यराति समापन भएको थियो । साथसाथै कार्यक्रममा क्वोने (घोताने/घोण्डे) परिवार यूकेको ज्वाँईसाप सुमधुर स्वरको धनी लन्डन प्लम्सस्टेड निवासी बेलायतको चर्चित गायक यामु गुरुङले पनि गीत गाउँनुभई सशुराली पर्टीमा रौनक थपेका थिए । उहाँको श्रीमती क्वोने चेली तारा गुरुङले माइतीघर माइतीघर बोलको गीत आकर्षक नाच प्रस्तुत गर्नुभएको थियो ।

राफल ड्र का पुरस्कारहरु ७ वटा व्यवस्था थियो । पहिलो पुरस्कार सुनको चन्द्रमा चेलीबेटी प्रमुख चन्द्रदेवी गुरुङले प्रायोजन गरेकी थिइन् । दोस्रो पुरस्कार १५० पाउन्ड बराबरको गिफ्ट ह्याम्पर हाइल्यान्ड पसल अल्डरसटबाट मनदेवी गुरुङ, तेस्रो पुरस्कार १०५ पाउन्ड नगद चेलीबेटीका पूर्वप्रमुख राजकुमारी गुरुङले प्रायोजन गरेकी थिईन । चौथो पुरस्कार एक सय पाउन्ड प्रायोजन चेलीबेटी उपाध्यक्ष पञ्च गुरुङ र सुकबहादुर गुरुङले गरेका थिए । पाँचौं पुरस्कार ५० पाउन्ड चेलीबेटीकी कार्यकारी सदस्य जगनकुमारी गुरुङ र हर्कबहादुर गुरुङले दिएका थिए । छैटौं पुरस्कार अल्पना गुरुङ र सातौं पुरस्कार मौलिक पहिरन यामकुमारी दिलु गुरुङले प्रायोजन गरेको चेलीबेटी प्रमुख चन्द्रदेवी गुरुङले जानकारी दिइन् ।

कार्यक्रममा माइती पक्षलाई कोसेलीस्वरुप चेलीबेटीको तर्फबाट नगद ३ हजार ५ पाउन्ड चेलीबेटी प्रमुख चन्द्रदेवी गुरुङले हस्तान्तरण गरेकी थिइन् । कार्यक्रममा घोताने/घोण्डे चेलीबेटीहरु तथा ज्वाइँहरुलाई प्रवेश नि:शुल्क र भाइखलकलाई प्रतिव्यक्ति २५ पाउन्ड प्रवेश शुल्क लिइएको थियो । कार्यक्रमको अन्तमा अध्यक्ष क्या पिताम्बर गुरुङले मायाको चिनोसहित लोकदोहोरी गायिका रुपा घर्तीमगर, गोर्खा मिडियाका प्रबन्ध निर्देशक मिलन तमु, एम्पायर सञ्चालकहरु नारायण गिरी, राजकुमार गुरुङ, डिजे र मास्टर सेफ अमृत गुरुङलाई सम्मान गरेका थिए ।