तमु धि यूकेको कार्यभार उपाध्यक्ष कमल क्वोने गुरुङलाई

तमु धि यूकेको कार्यभार नव नियुक्त उपाध्यक्ष कमल क्वोनेलाई गुरुङलाई सुम्पेको छ । नयाँ कार्यसमिति गठन हुने बर्ष अध्यक्षसहित पूर्व अध्यक्ष र हुनेवाला अध्यक्षहरुले नेपाल भ्रमण गर्ने गर्दछ । यसै सिलसिला वा प्रचलनलाई निरन्तरता दिँदै नव नियुक्त अध्यक्ष हरि गुरुङसहित निबर्तमान अध्यक्ष हित काजी गुरुङ, संस्थापक अध्यक्ष मिन प्रसाद गुरुङ र अन्य पदाधिकारीहरु एक महिनाको लागि हिजो नेपाल जानुभएका छन । संस्थाको प्रचलन र नियम अनुसार अध्यक्षको अनुपस्थितिमा उपाध्यक्षले कार्यसंचालन गर्ने प्रकृया अनुरुप उपाध्यक्ष कमल क्वोने गुरुङलाई कार्यभार सुम्पेको हो ।

स्मरण रहोस्- कमल क्वोने गुरुङ तमु धि यूकेको निबर्तमान कोषाध्यक्ष हुन । निबर्तमान अध्यक्ष हित काजी गुरुङ तथा कमल गुरुङको नेत्रित्वमा तमु धि यूकेले संस्थाको कोष उल्लेख्य रुपमा ब्रिध्दी गर्न सफल भएका थिए ।

हिजो जारी बिज्ञप्ति अनुसार – ‘म लगायत तमुधिं यूकेका अधिकांश कार्यसमिति नेपाल भ्रमणमा रहने हुँदा १३ जनवरी २०२३ देखि ३ फेब्रुअरीसम्मका लागि हामीले हाम्रा उपाध्यक्ष श्री कमल गुरुङज्यूलाई तमुधिं यूकेका कार्यवाहक अध्यक्षको रुपमा नियुक्ति गरेको ब्यहोरा जानकारी गराउँदछौं,’ विज्ञप्तिमा भनिएको छ, ‘सबै सम्बन्धित संघ संस्था, इकाई र तमुधिं यूकेका सबै सदस्यहरुलाई सोही अनुरुप बुझ्न बुझाउन अनुरोध गरिन्छ ।’