म्याच तथा स्पट फिक्सिङबारे भ्रामक सूचना फैलाइएकाे क्यानकाे दाबी
काठमाडौँ- नेपाल क्रिकेट संघ (क्यान) ले त्रिवि क्रिकेट मैदानमा जारी नेपाल टी-ट्वान्टी लिगमा म्याच फिक्सिङ तथा स्पट फिक्सिङ भएको भन्दै भ्रामक तथा मिथ्या सूचना फैलाइएको जनाएको छ । क्यानले बुधबार एक प्रेस विज्ञप्ती जारी गर्दै लिगमा म्याच फिक्सिङ तथा स्पट फिक्सिङ भएको भन्दै भ्रामक तथा मिथ्या सूचना फैलाइएको तथा यसप्रति क्यानको गम्भिर ध्यानाकर्षण भएको उल्लेख गरेको छ ।
क्यानका कार्यवाहक सचिव प्रशान्त विक्रम मल्लले हस्ताक्षर गरेको विज्ञप्तीमा नेपाली क्रिकेट र राष्ट्रकै नाममा ठेस पुर्याउने गरी फैलाइएको यस्ता गतिविध अन्त्य गर्न क्यान प्रतिवद्ध रहेको समेत जनाएको छ । क्यानले जारी लिगमा म्याच फिक्सिङका बारेमा जानकारी भए प्रमाणसहित क्यान तथा नेपाल टी-ट्वान्टी लिगको एन्टी करप्सन युनिटमा उजुरी गर्न आग्रह गरेको छ ।
