सनमन गुरुङको “सपनाको गहिराई” गीत सार्वजनिक

लन्डन । लन्डन निवासी सनमन गुरुङले आफ्नै रचना अनि संगीतमा “सपनाको गहिराई” गीत सार्वजनिक गरेका छन । आफ्नै युट्युब च्यानल मेरो संसार मार्फत सार्वजनिक गरेको उक्त गीतमा नेपाल आइडल सिजन-२ को उप-बिजेता बिक्रम बरालको स्वर रहेको छ । गीतलाई देउराली ब्याण्डको सदस्य तेज केसीले एरेन्ज गरेका हुन । गीतको भावर्थ अनुसार भिडियो एरेन्ज गरिएको उक्त गीतमा प्रेम साम्बन्धि बिगत र बर्तमानको भवार्थहरु देखाइएको छ । गीत एपोसल स्टुडियोमा देउराली ब्यण्डको अर्को सदस्य सुमन तमाङले रेकर्ड गरेका हुन ।

नेपाल घर पोखरा राम बजार पेन्सन क्याम्प भई हाल लन्डन बस्दै आउनु भएका सनमन गुरुङ्गले पछिल्लो समय आफ्नै युट्युब च्यानल खोलेर आफ्नै संगीत र रचनामा गीतहरु बनाएर सार्वजनिक गर्दै आइरहेका छन । गुरुङले यस अघि माझी दाई, मन आज, यस्तै हुन्छ हाम्रो माया, नजोखिने माया जस्ता गीतहरु सार्वजनिक गरिसकेका छन ।

कालिका माध्यमिक पोखराको भुपु शिक्षक सनमन उही बेलादेखि कबिता अनि गीत लेखनमा रुचि राख्नुहुन्थ्यो । पछिल्लो समय कामसँगै आफ्नो रुचिको क्षेत्र गीत संगीतमा पनि समय दिईराख्नुभएको छ । फलस्वरुप एक पछि अर्को (ब्याक टु ब्याक) गीतहरु निकाल्ने क्रममा हुनुहुन्छ ।