तामाङ सोसाईटी अफ युकेले बुद्ध जयन्ती मनायो

कृष्णप्रसाद शर्मा , ४ जेठ लण्डन ।

बेलायतमा सामाजिक संस्थाको रूपमा परिचित तामाङ सोसाईटी अफ युकेले भव्य रूपमा बुद्ध जयन्ती मनाएको छ । बैशाख शुक्ल पूर्णिमाको दिन अर्थात मे १६ मा बेलायतको अल्टरसट स्थित गुम्बामा एक कार्यक्रम बीच धुमधाम संग बुध्द जयन्ती मनाएको हुन ।

बिसिसियूके गुम्बामा आयोजित उक्त कार्यक्रममा तामाङ सोसाईटी अफ युकेले उपस्थित श्रदालु भक्तजनहरुलाई चियापान तथा सहाकारी भोजनहरु बितरण गरेको समाजका महासचिव मनी तामाङले जानकारी दिनु भयो ।

बिहान १० बजे देखि सांझ ५ बजे सम्म पुजा सम्पन्न

कार्यक्रममा स्वयंसेवकको रूपमा तामाङ सोसाईटी अफ युकेका कोषाध्यक्ष लक्ष्मी सचिव किशोर तामाङ्ग, सदस्य सुक्र तामाङ,भुपु महासचिव देबराज तामाङ तथा अन्य सदस्यहरू उशा तामाङ, कला तामाङ,विमला तामाङ, अन्जना तामाङ लगायत प्राय सबै सदस्यहरूको उपस्थित रहेको संस्थाको अध्यक्ष ज्ञान तामाङ्गले जानकारी दिनु भयो ।

हरेक बर्ष बुद्धजयन्तीमा तामाङ सोसाईटी यूकेले विभिन्न कार्यक्रम गरेर मनाउंदै आईरहेको छ भने यस पटक थप सांस्कृति कार्यक्रमका साथ मनाईएको उक्त सांस्कृतिक संयोजक पन्च सम्दनले बताउनु भयो ।