भरतपुरमा विजय सुवेदीभन्दा रेणु दाहाल १७१२ मतले अगाडि

चितवन :भरतपुर महानगरपालिकाको सत्तारुढ गठबन्धनबाट मेयरमा नेकपा माओवादी केन्द्रकी उम्मेदवार रेणु दाहाल अगाडि बढेकी छन्। बुधबार बिहान २७ हजार ४३८ मत गणना हुँदा रेणुले ९ हजार ९७० मत प्राप्त गरेकी छन् ।

एमालेका उम्मेदवार विजय सुवेदीले ८ हजार २५८ मत प्राप्त गरेका छन् । दाहाल र सुवेदीको १७१२ मतान्तर रहेको छ । यस्तै स्वतन्त्र उम्मेदवार जगन्नाथ पौडेलले ४ हजार ३१५ मत प्राप्त गरेका छन् । उपप्रमुखमा नेपाली कांग्रेसका चित्रसेन अधिकारीले ११ हजार ९५६ र राप्रपाका हिमला गुरुङले ६ हजार ५७४२ मत प्राप्त गरेकी छन् ।

भरतपुर महानगरपालिकामा एक लाख २७ हजार ८३९ मत खसेको छ ।