जो बाइडेन

रुससँग लडन युक्रेनमा अमेरिकाले सेना नपठाउने, नेटो र रुस लडे तेस्रो विश्वयुध्द : बाइडेन

एजेन्सी । अमेरिकी राष्ट्रपति जो बाइडेनले रुससँग युद्ध लड्न युक्रेनमा सेना नपठाउने बताएका छन् । युक्रेनका राष्ट्रपति भोलोदिमिर जेलेन्स्कीले उत्तर एटलान्टिक सन्धि संगठन(नेटो) सँग रुसी आक्रमण बढिरहेको भन्दै सहयोग मागेका बेला बाइडेनको यस्तो भनाइ आएको हो ।

नेटो क्षेत्रको हरेक इन्च जमिन रक्षा गर्न आफूहरू तयार भए पनि युक्रेनमा रुसविरुद्ध युद्ध नलड्ने बाइडेनले बताएका छन् । शनिबार बाइडेनले ट्विट गर्दै भनेका छन्, ‘हामी एक संयुक्त र सशक्त नेटोको पूरा तागतका साथ नेटो क्षेत्रको हरेक इन्चको रक्षा गर्छौँ । त हामी युक्रेनमा रुसविरुद्ध युद्ध लड्ने छैनौँ ।’

बाइडेनले रुस र नेटोबीचको सिधा टकराव तेस्रो विश्वयुद्ध हुने पनि बताएका छन् । उनले भनेका छन्, ‘रुस र नेटोबीचको सिधा टकराव भनेको तेस्रो विश्वयुद्ध हो जसलाई रोक्न हामीले प्रयास गर्नुपर्छ ।’

फेब्रुअरी २४ देखि रुसले युक्रेनमा लगातार आक्रमण गरिरहेको छ । यसबीचमा विदेशमन्त्रीस्तरीय वार्ता भए पनि युद्धविरामको प्रयास विफल भएको छ । यसबीच अमेरिकालगायत पश्चिमा मुलुकहरूले रुसमाथि आर्थिक प्रतिबन्ध बढाउँदै गएका छन् । रुस र बेलायतले रुसी तेलको आयातमा प्रतिबन्ध लगाएका छन् । शुक्रबार मात्रै बाइडेनले रुसी मदिरा, सिफुड र हिरामाथि प्रतिबन्धको घोषणा गरेका थिए । त्यस्तै अमेरिकाले रुसका ठूला व्यापारीमाथि पनि प्रतिबन्ध लगाएको छ ।

       

सम्बन्धित खबरहरु