तिहारमा २५८ जुवाडे पक्राउ ४० लाख नगद बरामद

दीपा चौधरी ।
रासस

काठमाडौं । तिहारमा विशेष गरी जुवा खेल्ने गरिन्छ । परम्पारगत रुपमा नै तिहारमा जुवा खेल्न फुकुवा गरिएको हुन्छ । तर पर्वमा रमाइलो गर्ने भन्दा पैसा कमाउनका लागि जुवा खेल्नेहरुको पनि कमी छैन । प्रहरीले तिहारको पाँच दिनको समयमा जुवातास खेल्ने दुई सय ५८ जनालाई पक्राउ गरेको जनाएको छ ।

प्रहरीले कात्तिक १६ देखि २० गतेसम्म जुवातास खेलिरहेको अवस्थामा दुई सय ५८ जनालाई पक्राउ गरेको हो । पक्राउ परेकाको साथबाट ३९ लाख ९५ हजार ८२० रुपियाँसमेत प्रहरीले बरामद गरेको जनाएको छ ।

प्रहरीले कार्तिक १६ गते काठमाडौंको कागेश्वरी मनोहरा नगरपालिका ७ ढुङगेधारामा दुई बुक तास, एक लाख ३३ हजार ८०० सय रुपियाँसहित छ जनालाई पक्राउ गरेको छ । अर्धाखाँँँचीको सन्धिखर्क नगरपालिका १० मा चार बुक तास, ४८ हजार ३४० रुपियाँसहित सात जना र सुनसरीको बराह क्षेत्र नगरपालिका २ देबि स्थानमा १६ थान कौडा, २४ सय रुपियाँसहित तीन जनालाई पक्राउ गरेको हो ।

यस्तै, कार्तिक १७ गते तनहुँँको शुक्ला गण्डकी नगरपालिका ८ ढोरफेदी लालीममा नौ लाख एघार हजार ४०५ रुपियाँसहित २९ जना पक्राउ परेको छन् । कास्कीको माछापुच्छ्् गाउँ पालिका २ को तातोपानीस्थित तातोपानी होटलमा एघार जना पक्राउ परेको प्रहरीले जनाएको छ ।

कार्तिक १८ गते मोरङको विराटनगर महानगरपालिका ११ बसपार्कमा एक बुक तास, ८८ हजार ४२० रुपियाँसहित चार जना, गोरखाको गोरखानगरपालिका ८ चाइनिजधारामा एक लाख एक हजार आठ सय रुपियाँसहित नौ जना, कपिलवस्तुको बाणगंगा नगरपालिका २ मा दुई थान पासा, ७६ हजार ७४५ रुपियाँसहित १२ जना, रुकुमपश्मिको मुसिकोट नगरपालिका १ मठमा दश लाख आठ हजार नगदसहित ५ जना, काठमाडौं महानगरपालिका ६ नयाँ बस्तीमा ४८ थान कौडा, ६ लाख ३२ हजार ५०० सय नगदसहित १८ जनालाई १८ गते प्रहरीले पक्राउ गरेको छ ।

कार्तिक १९ गते सुर्खेतको विरेन्द्रनगरपालिका ८ कबडहलमा एक लाख ७२ हजार ४५० रुपिायाँ नगदसहित छ जना, भक्तपुरको चाँगुनारायण नगरपालिका ६ बेसीटोलमा २६ लाख आठ हजार ३९० रुपियाँसहित १५ जना, कपिलवस्तुको बाणगंगा नगरपालिका १ मा पाँच लाख ४२ हजार ३८० रुपियाँसहित १८ जना, लमजुङको बेसिशहर नगरपालिकामा एक लाख ५६ हजार ५४० नगदसहित १७ जना, काठमाडौंको चन्द्रगिरीनगर पालिका ५ दूरसंचार चोकमा ८ थान ओखर, एक लाख ४६ हजार ४२५ नगदसहित ५ जना, कञ्चनपुरको भिमदत्त नगरपालिका ६ ऐठपुरमा १ थान ताससहित ७२ हजार ७९० रुपियाँ नगदसहित १० जनालाई प्रहरीले पक्राउ गरेको छ ।

कार्तिक २० गते नेपालगंज उपमहानगरपालिका १३ बाबुगाउँमा चार लाख ६४ हजार ८०० रुपियाँनगदसहित ४८ जना, अर्को नेपालगञ्जमै दुई बुक ताससहित २४ हजार ३०० रुपियाँ नगद र चार जना, काठमाडौं महानगरपालिका १४ पुरानो नैकापमा चार लाख ४३ हजार ३०५ रुपियाँसहित १६ जना र भक्तपुरको चाँगुनारायण नगरपालिका ८ सुडाल पुरिगाउँमा दुई बुक ताससहित १५ जना पक्राउ परेको प्रहरी प्रधान कार्यलयले जनाएको छ । पक्राउ परेकामाथि जुवातास ऐनअन्तर्गत मुद्दा चलाउने तयारी गरिएको प्रहरीको भनाइ छ ।