चिकित्सकको टोली लिएर गोरखातर्फ लागे नारायणकाजी

गोरखा । नेकपा माओवादी केन्द्रका नेता नारायणकाजी श्रेष्ठ चिकित्सक, ल्याब टेक्निसिएन र अन्य स्वयम्सेवक टोली लिएर गृह जिल्ला गोरखातर्फ लागेका छन् । उनले सोमबार सामाजिक सञ्जालमार्फत केही दिनका लागि गोरखा हिँडेको जानकारी गराएका छन् ।

गोरखाको विभिन्न स्थानमा कोभिड संक्रमण अझ विस्तार भइरहेको र हट स्पट बन्दै गइरहेको उल्लेख गरेका छन् । आफ्नो टोलीले केही कोभिड लक्षण देखापरी शंकास्पद रहेका र कोभिड बिरामीसँग सम्पर्कमा रहेकाहरुको तत्काल एन्टिजेन टेष्ट, बिरामीहरुको परीक्षण, आवश्यक परामर्श एवं तत्काल सम्भव औषधि, स्वास्थ्य संस्थाहरुलाई केही स्वास्थ्य सामग्री हस्तान्तरण र स्थानीय सराकारका जनप्रतिनिधि एवं स्वास्थ्य संस्थाका स्वास्थ्यकर्मीहरुसँग कोभिड केन्द्रीत छलफल गर्ने उनको भनाइ छ ।