अमेरिकाको डेन्भर राज्यमा भारी हिमपात: झन्डै दुई हजार उडान रद्द
डेन्भर । अमेरिकाको डेन्भर राज्यमा भारी हिमपात भएको छ । राष्ट्रिय मौसम सेवाले हिमपात भएर १८ देखि २४ इन्चसम्म हिउँ जम्न सक्ने पूर्वानुमान गरिएको जनाएको छ । हिमपातबाट जनजीवन अस्तब्यस्त भएको छ भने यस राज्यबाट हुने झन्डै दुई हजारभन्दा बढी उडानहरु रद्द गर्नुपरेका छन । अत्यधिक हिमपातका कारण सप्ताहन्तमा ती उडानहरु रद्द भएको अधिकारीहरुले जानकारी दिएका छन् । उनीहरुका अनुसार शनिबार ७ सय ५० र आइतबार १३ सय उडान रद्द भएका हुन् ।
हिमपातले प्राकृतिक प्रकोप तथा दुर्घटना गराउन सक्ने भएकाले अत्यावश्यक बाहेकको यात्रा नगर्न सरकारी निकायहरुले सबैलाई आह्वान गरेका छन् । उनीहरुले चिसो तथा हिउँबाट बच्न उच्च सतर्कता अपनाउन र दैनिक गतिविधिहरु गर्दा पनि सुरक्षाका उपायहरु अपनाएर मात्रै गर्न आग्रह गरेका छन् ।
