योगेश भट्टराई सवार गाडीको ठक्करबाट एक घाइते, थप उपचारका लागि काठमाडौं

नेकपा दाहाल–नेपाल समूहका नेता योगेश भट्टराई सवार गाडीले साइकल यात्रुलाई ठक्कर दिएको छ । रौतहटको चन्द्रनिगाहापुरमा भट्टराई चढेको ज १ झ ४२७ नम्बरको गाडीले ठक्कर दिँदा साकइल यात्री ५५ वर्षीय इन्द्रप्रसाद घिमिरे घाइते भएका हुन् । पूर्व-पश्चिम राजमार्गअन्तर्गत सिभिल हस्पिटलनजिकै भएको दुर्घटनामा थियो । मन्त्री भट्टराई पूर्वतर्फबाट हेटौँडातिर जाँदै थिए ।

घाइते घिमिरेकोे सिभिल अस्पताल चन्द्रनिगाहपुरमा प्राथमिक उपचारपश्चात थप उपचारका लागि काठमाडौं रिफर गरिएको सिभिल हस्पिटलले जनाएको छ । ठक्कर दिइएको गाडी र चालक इलाका प्रहरी कार्यालय चन्द्रनिगाहपुरकोे नियन्त्रणमा रहेका छन् । घाइते घिमिरेलाई काठमाण्डौ लागिसकेको कुरा जिल्ला प्रहरी कार्यालय रौतहटका प्रमुख सिद्धिविक्रम शाहले जानकारी गराउनुभयो ।