अन्तत: नेतृ रामकुमारी झाँक्री पक्राउ, बिभिन्न नेताहरुको प्रतिकृया
काठमाडौं । नेकपाको प्रचण्ड–नेपाल पक्षकी नेृत रामकुमारी झाँक्री पक्राउ परेकी छन् । झाँक्रीलाई महानगरीय अपराध महाशाखाको टोलीले उनकै निवास शंखमुलबाट बिहीबार पक्राउ गरेको हो ।
पक्राउ गर्न सादा पोशाकमा खटिएको अपराध महाशाखाको टोली सुरूमा रित्तै फर्किएकाे थियाे । उनकाे निवास परिसरमा समर्थकहरूकाे नाराबाजी चलेपछि प्रहरीले पक्राउ गर्न सकेकाे थिएन । झाँक्रीले पनि पक्राउ पुर्जी लिएर आउन चुनाैती दिएकी थिइन् । प्रहरी पक्राउ पुर्जी लिएर आएपछि उनले आफैले गिरफ्तारी दिएकी हुन् ।
राष्ट्रपतिलाई मानमर्दन गरेको आरोपमा नेकपा दाहाल–नेपाल समूहकी नेत्री रामकुमारी झाँक्रीलाई प्रहरीले सोधपुछका लागि बोलाएको थियो । झाँक्रीलाई राष्ट्रपति विद्यादेवी भण्डारी विरुद्ध गालीगलौज र मानमर्दन हुने गरी अभिव्यक्ति दिएको आरोप छ ।
गोरखामा केही दिनअघि नेतृ झाँक्रीले राष्ट्रपति विरुद्ध गालीगलौज गरेको आरोप लगाउँदै नेकपा ओली समूहले विरोध गरेका थिए । उहाँलाई तत्काल पक्राउ गर्न भन्दै ओली समूह सम्बद्ध महिला संघले गृहमन्त्रीलाई ज्ञापन पत्र बुझाएको थियो ।
झाँक्रीको गिरफ्तारी सम्बन्धमा बिभिन्न नेताहरुले ट्विट् मार्फत आफ्नो प्रतिकृया ब्यक्त गरेका छन ।
