बेलायतमा कोरोनाको कारण मृत्यु हुनेको सन्ख्या ७५ हजार नाघ्यो
बेलायतमा कोरोनाबाट ज्यान गुमाउनेको संख्या ७५ हजार नाघेको छ । आइतबारको पछिल्लाे तथ्यांकअनुसार पछिल्लो २४ घन्टामा थप ४५४ जना कोरोना संक्रमितको मृत्यु भएको छ । यससँगै बेलायतमा कोरोना संक्रमणका कारण मृत्यु हुनेको संख्या ७५ हजार २४ जना पुगेको छ ।
यसैगरी कोरोना संक्रमितको संख्या पनि तीव्र रुपमा बढिरहेको छ । गएको २४ घन्टामा थप ५४ हजार ९९० जना नयाँ कोरोना संक्रमित थपिएका छन् । पछिल्ला दिनका संक्रमित संख्या बेलायतमा महामारी शुरु भएयताकै सबैभन्दा बढी हो । बेलायतमा कोरोना संक्रमितको संख्या २६ लाख ५४ हजार ७७९ पुगेको डिपार्टमेन्ट अफ हेल्थ एण्ड सोशल केयरले जनाएको छ ।
